ايه .. والله زمان

مساء الخير ,, مدري صباح الخير , والله ما بعرف شو بيكتبو او بيقولو الساعة 3 الصبح
المهم .. ما علينا من طول الحديث

طالت الغيبة شوي , و صرلي من آذار مو كاتب شي , لا تواخذونا , و شكرا لك مين ضل عم يفوت لهل كشك المتواضع الموجود على احد ارصفت موقع الانترنيت ..

اول اسباب الانقطاع اني ساويت موقع جديد , شبكة الجولدن التقنية بتلاقوها على الرابط www.elgolden.net الموقع اخد اغلب الوقت المخصص للانترنيت . هاد اول سبب لعدم الكتابة و التحديث ضمن هذا الـ Blog .

ثانيا .. نسيت كلمة السر ..

خير معلم ؟

ليش عم تزورني ؟
شو الظاهر انت ما بتنسى احيانا كلمة السر تبعك ؟

قصدي تبع ايميلك ؟

خلص روق , تعى هات بوسة

و خود هي كاسة شاي عزيزي القارئ , اشرب , هدي حالك , روق ,كانت معك الكاميرا الخفية ..

شفتها وين ؟ ليكها هنيك ,, عملها باي

طيب , شيلونا من هالحكي الفاضي , راجعلكن بعد بكرا ان شاء الله , بس نسيت شغلة :

الف مبروك للمنتخب الألماني فوزه 4 - 2 على كوستاريكا , و عقبال الكأس حبيبات ئلبي .


يالله سلام